Almaty polıtsııasy kúsheıtilgen jumys rejımine kóshti
ALMATY. KAZINFORM — Almaty polıtsııasy qaýipsizdik sharalaryn kúsheıtti.
Qalalyq polıtsııa departamentiniń málimetinshe, 20–22 qarasha aralyǵynda Almatyda qoǵamdyq qaýipsizdikti qamtamasyz etý maqsatynda respýblıkalyq «Quqyqtyq tártip» jedel-profılaktıkalyq is-sharasy ótip jatyr.
Іs-shara aıasynda tártip saqshylary profılaktıkalyq jáne jedel jumystardy kúsheıtip, quqyq buzýshylyqtardy anyqtaýǵa, olardyń jolyn kesýge jáne qaladaǵy qoǵamdyq tártipti saqtaýǵa basa nazar aýdarmaq. Onyń ishinde jol qaýipsizdigine erekshe kóńil bólinedi. Atap aıtqanda: kólikti mas kúıde basqarý, jyldamdyqty asyrý jáne jol qozǵalysyna qatysýshylardyń ómirine qaýip tóndiretin ózge de quqyq buzýshylyqtar qatań baqylaýǵa alyndy.
— Bizdiń mindetimiz — quqyq buzýshylyqtardy anyqtaýmen ǵana shektelmeı, eń aldymen olardyń aldyn alý. Almatynyń árbir turǵyny men qonaǵy úshin qaýipsiz orta qalyptastyrý mańyzdy. Ásirese, jol qaýipsizdigine jáne qaıǵyly jaǵdaılarǵa ákelýi múmkin áreketterdiń jolyn kesýge basa nazar aýdaramyz, — dedi PD Ákimshilik polıtsııa basqarmasynyń bastyǵy Ábdinur Tasybaev.
Almaty polıtsııasy turǵyndar men qala qonaqtaryn zań talaptaryn, jol qozǵalysy erejelerin jáne qoǵamdyq tártipti saqtaýǵa shaqyrdy.
Eske salaıyq, jyl basynan beri Almatyda júrgizýshi kýáliginen aıyrylǵan 400 adam qaıtadan kólik basqarǵany anyqtaldy.