Almaty polıtsııasy kúsheıtilgen jumys rejımine kóshti
ALMATY. KAZINFORM – Almatyda qoǵamdyq tártipke baılanysty tekserý sharalary kúsheıtildi.
Almaty qalasy Polıtsııa departamentiniń málimetinshe, qoǵamdyq qaýipsizdikti qamtamasyz etý, krımınogendik ahýaldy turaqtandyrý jáne quqyqtyq tártip deńgeıin arttyrý maqsatynda «Quqyqtyq tártip» respýblıkalyq jedel-profılaktıkalyq is-sharasy bastaldy.
Almaty qalasy Polıtsııa departamenti ákimshilik polıtsııa basqarmasynyń bastyǵy Ábdinur Tasybaevtyń aıtýynsha, negizgi mindet – qoǵamdyq qaýipsizdikti qamtamasyz etý, quqyq buzýshylyqtardyń aldyn alý jáne joldardaǵy tártipti kúsheıtý.
- Árbir qyzmetker zań talaptaryn qatań saqtaı otyryp, kásibı deńgeıde qyzmet atqarýy jáne azamattarǵa qurmetpen qaraýy tıis. «Zań jáne tártip» qaǵıdaty tek uran retinde emes, kúndelikti jumysymyzdyń ajyramas bóligine aınalýy qajet, – dedi ol.
Іs-shara barysynda polıtsııa qyzmetkerleri kúsheıtilgen rejımde jumys isteıdi. Qoǵamdyq oryndardaǵy quqyq buzýshylyqtardyń aldyn alýǵa, kóshedegi qylmystyń jolyn kesýge, sondaı-aq jol qozǵalysy qaýipsizdigin qamtamasyz etýge erekshe nazar aýdarylady.
Eske salaıyq, Ál-Farabı dańǵylynda bolǵan jol apatynan keıin Almatyda aýqymdy «STOP buzýshylyq» operatsııasy ótken bolatyn.
