Almaty polıtsııasy qoǵamdyq tártip úshin drondardy qoldanyp jatyr

ALMATY. KAZINFORM – Almaty polıtsııasy qoǵamdyq jáne jol qaýipsizdigin arttyrý, sondaı-aq quqyq buzýshylyqtyń aldyn alý maqsatynda ushqyshsyz ushý apparattary qoldanylyp jatqanyn habarlady. 

Polıtsııa departamentiniń málimetinshe, drondar qoǵamdyq oryndardaǵy, kóshe-jol jelisindegi, azamattardyń jappaı jınalatyn aýmaqtaryndaǵy jáne olarǵa irgeles aýmaqtardaǵy jalpy ahýaldy baqylaýǵa múmkindik beredi. Olardy qoldaný qoǵamdyq tártipti buzýdyń aldyn alýǵa, onyń ishinde usaq quqyq buzýshylyqtardy anyqtaýǵa, yqtımal problemaly ýchaskelerdi monıtorıngteýge, sondaı-aq tótenshe jaǵdaılarǵa jedel áreket etýge baǵyttalǵan. 

– Drondardy paıdalaný naqty ýaqyt rejıminde bolyp jatqan jaǵdaıdyń obektıvti kórinisin alýǵa, adamdardyń shoǵyrlanýyn, qozǵalystaǵy qıyndyqtardy, qaýipsizdigi tómen ýchaskelerdi, abattandyrý qaǵıdalary men qoǵamdyq tártiptiń buzylýyn der kezinde anyqtaýǵa, sondaı-aq polıtsııa jasaqtarynyń áreketterin tıimdi úılestirýge múmkindik beredi, - dep habarlady polıtsııa departamentinen. 

Tártip saqshylary ushqyshsyz ushý apparattary qoldanystaǵy zańnama talaptaryna sáıkes paıdalanylatynyn atap ótti. 

Eske salaıyq, ІІM polıtsııa drondary myńdaǵan quqyqbuzýshylyqty áshkerelegenin málimdedi.