Almaty polıtsııasy Kane Ýest kontsertine baılanysty eskertý jasady
ALMATY. KAZINFORM – Almaty polıtsııasy Kane Ýesttiń kontsertine baılanysty alaıaqtardan saqtanýǵa shaqyrdy.
Qalalyq polıtsııa departamentiniń málimetinshe, kontsert bıletteri tek resmı servıster arqyly satylady. Tólemnen keıin satyp alýshy vaýcher alady, ol 13 tamyzda avtomatty túrde biregeı QR-kody bar elektrondy bıletke aýystyrylady.
- 13 tamyzǵa deıin QR-kody bar daıyn bılet eshkimde bolmaıdy. Sondyqtan qoldan, áleýmettik jeliler men messendjerler arqyly «daıyn bılet» satý týraly usynystar alaıaqtyq bolýy múmkin. Beıtanys adamdarǵa aqsha aýdarmańyz jáne aqparatty tek uıymdastyrýshylardyń resmı arnalary arqyly tekserińiz, - dep eskertti departamentten.
Eske salaıyq, 14 tamyz kúni saǵat 21:00-de Almatynyń Ortalyq stadıonynda Kane Ýest kontsert ótkizedi.
Buǵan deıin Almatyda Kane kontsertine jalǵan bılet satqan azamat anyqtaldy.
