Almaty polıtsııasy eki dóńgelekti elektr kólik ıelerine úndeý jasady
ALMATY. KAZINFORM – Almatyda qoldanystaǵy zańnamaǵa sáıkes eki dóńgelekti elektr kólikterin tirkeý jumystary júrip jatyr.
Qalalyq polıtsııa departamenti mundaı kólik ıelerine memlekettik tirkeýden ýaqytyly ótýdiń mańyzyn eske salady. Bul kólik quralyn zańdy túrde paıdalanýǵa jáne menshik ıesiniń quqyqtaryn qorǵaýǵa múmkindik beredi.
- Eger eki dóńgelekti elektr kólik memlekettik tirkeýge mindetti bolsa, qujat rásimdeýdi keıinge qaldyrmaýǵa keńes beremiz. Qazirgi tańda tirkeý rásimi jeńildetilgen, kóp ýaqyt almaıdy. Memlekettik tirkeý – zań talaptaryn oryndaý ǵana emes, kólik quralyn zańdy paıdalanýdyń, menshik quqyǵyn qorǵaýdyń jáne jol qozǵalysy qaýipsizdigin qamtamasyz etýdiń mańyzdy kepili, – dedi Almaty qalasy Ákimshilik polıtsııa basqarmasynyń Protsessıng ortalyǵynyń bastyǵy Nursultan Aqmyrzaev.
Polıtsııa departamenti memlekettik tirkeýge qatysty keńes alyp, qajetti qujattardy mamandandyrylǵan halyqqa qyzmet kórsetý ortalyqtarynda rásimdeýge bolatynyn eske saldy.
Buǵan deıin Atyraýda 1033 moped memlekettik tirkeýden ótkenin jazǵanbyz.
