Almaty polıtsııasy Azamat Dolanbaevqa izdeý jarııalady

ALMATY. KAZINFORM — Almatynyń tártip saqshylary tanymal kásipker Azamat Dolanbaevty izdestirip jatyr.

Polıtsııa departamentiniń málimetinshe, ol adamnyń densaýlyǵyna aýyr dene jaraqatyn keltirdi degen kúdikke ilingen.

— Medeý aýdandyq polıtsııa basqarmasy D .esimdi azamatty izdestirip jatyr. Oǵan izdeý jarııalandy. Sot 2 aı merzimge «qamaý» túrindegi bultartpaý sharasyn syrttaı sanktsııalady, — dep habarlady departamentten.

Qazirgi ýaqytta polıtsııa kúdiktiniń turǵan jerin anyqtaý jáne ony ustaý boıynsha jedel-izdestirý is-sharalaryn júrgizip jatyr.

Eske salaıyq, buǵan deıin Almatyda esirtki taratqan 21 jastaǵy sheteldik ustalǵanyn jazǵanbyz.