Almaty polıtsııasy 7 myńnan astam qarý ıesin tekserdi
ALMATY. KAZINFORM – Almaty polıtsııasy tirkelgen azamattyq qarý ıelerin, sondaı-aq ony saqtaý, alyp júrý jáne paıdalaný talaptarynyń oryndalýyn tekserip jatyr.
Búginge deıin polıtseıler 7 300-den astam qarý ıesine tekserý jumystaryn júrgizdi. Tekserý nátıjesinde qarýdy saqtaý talaptaryn buzǵany úshin 220 azamat jaýapqa tartyldy. Sonymen qatar qoldanystaǵy zańnama talaptaryn buza otyryp saqtalǵan 258 azamattyq qarý zańsyz aınalymnan alyndy.
Polıtsııa qarýdy saqtaý qaǵıdalaryn buzbaý – qylmystar men jazataıym oqıǵalardyń aldyn alýdyń mańyzdy tetikteriniń biri ekenin eske saldy.
– Tekserý barysynda qarýdy saqtaý jaǵdaıyna erekshe nazar aýdarylady. Bizdiń basty maqsatymyz – tek zań buzýshylyqtardy anyqtaý emes, sonymen qatar yqtımal quqyq buzýshylyqtar men jazataıym oqıǵalardyń aldyn alý. Bul baǵyttaǵy jumys aldaǵy ýaqytta da jalǵasady, - dedi Almaty polıtsııa departamenti qoǵamdyq qaýipsizdik basqarmasynyń bastyǵy Ashat Qulbaev.
Eske salaıyq, buǵan deıin Almaty oblysynda zańsyz qarý men ańshylyqqa qatysty alty qylmystyq is qozǵalǵanyn habarlaǵan edik.