Almaty polıtseıleri qyzmettik kólikte áıeldi bosandyryp aldy
ALMATY. KAZINFORM – Almatynyń patrýldik polıtsııa qyzmetkerleri áıelge qyzmettik kólikte bosanýǵa kómektesti.
Qalalyq polıtsııa departamentiniń málimetinshe, kezekshilik barysynda Danııar Saǵynbaev pen Bekjan Álken otyrǵan patrýldik ekıpajǵa áıel kómek surap júgingen. Tártip saqshylary jedel járdem kóligin kútpeı júkti áıeldi qyzmettik kólikke otyrǵyzyp, jaqyn mańdaǵy perzenthanaǵa qaraı bet alǵan. Alaıda jolda tolǵaq kúsheıip, olar medıtsınalyq mekemege jetip úlgermegen.
- Jaǵdaıdy baǵalaǵan polıtseıler óz betimen áreket etý týraly sheshim qabyldady. Nátıjesinde patrýldik kóliktiń ishinde ul bala dúnıege keldi. Osydan keıin ana men jańa týǵan náreste kelgen dárigerlerge tapsyryldy, - dep habarlady departamentten.
Almaty polıtsııasy búgingi kúni ana men balanyń jaǵdaıy jaqsy ekenin atap ótti.
Eske salaıyq, buǵan deıin Almatyda kósheniń qaq ortasynda kóligin keri júrgizgen júrgizýshi jazalanǵanyn jazǵanbyz.