Almaty perzenthanalarynda bıyl ana ólimi tirkelgen joq

ALMATY. KAZINFORM — Almaty ákiminiń orynbasary Nurlan Ábdirahym densaýlyq saqtaý salasynda atqarylyp jatqan jumys týraly baıandady.

Ákim orynbasarynyń aıtýynsha, qalanyń medıtsınalyq uıymdarynda 2 388 517 adam tirkelgen. Onyń ishinde er adamdar — 1 089 752 (45,6%), al áıelder — 1 298 765 (54,3%). Balalardyń úlesi — 28,9%, ıaǵnı 689 405 bala tirkelgen.

— Qazirgi tańda qalada 221 medıtsınalyq uıym jumys isteıdi. Onda 36 myńnan astam medıtsına qyzmetkeri, sonyń ishinde 10 myń dáriger eńbek etip júr. 2025 jyly densaýlyq saqtaý salasyn damytýǵa 58 mlrd teńge bólindi, onyń ishinde 56,2 mlrd teńge — qalalyq bıýdjettiń qarajaty, — dedi ol.

Nurlan Ábdirahym osy jyldyń 9 aıynyń qorytyndysy boıynsha densaýlyq saqtaý salasynyń kórsetkishterinde oń ózgerister bar ekenin aıtty. Atap aıtqanda:

— Almaty perzenthanalarynda ana ólimi — nólge teń. Respýblıka boıynsha ortasha kórsetkish — 100 myń adamǵa 9,5 jaǵdaı;

— Sábıler ólimi ótken jylmen salystyrǵanda 22,7%-ǵa azaıǵan;

— Onkologııalyq ólim-jitim respýblıka kórsetkishinen 8%-ǵa tómen;

— Týberkýlezben syrqattaný deńgeıi ortasha respýblıkalyq kórsetkishten 1,7 ese tómen.

— Bul nátıjeler — aldyn alý sharalarynyń, dıagnostıkany jańǵyrtýdyń jáne qalalyq dárigerlerdiń kásibı sheberliginiń jemisi, — dedi ol.

Eske salaıyq, elde ana ólimi tarıhı eń tómengi deńgeıge deıin tómendegenin jazǵanbyz.