«Almaty-Óskemen» jáne «Almaty-Qorǵas» avtojoldarynyń bir bóligi jabyldy

QONAEV. KAZINFORM — Almaty oblysynda aýa raıynyń nasharlaýyna baılanysty respýblıkalyq mańyzy bar avtojoldar jabyldy.

«QazAvtoJol» UK AQ AOF habarlamasy boıynsha 15 qańtar saǵat 08:20–den bastap qalyń tuman túsýine jáne aýa-raıynyń nasharlaýyna baılanysty respýblıkalyq mańyzy bar «Almaty-Shelek-Qorǵas» avtojoly 24 km-den (aqy alý pýnkti) 254 km-ge deıin (Jetisý oblysyna deıin) avtokóliktiń barlyq túrleri úshin qozǵalys jabyldy.

Sondaı-aq «QazAvtoJol» habarlamasyna sáıkes, dál osy ýaqyttan bastap respýblıkalyq mańyzy bar «Almaty-Óskemen» avtojolynda 25 km-den (aqy alý pýnkti) 124 km-ge deıin (Sheńgeldi aýyly) avtokóliktiń barlyq túrleri úshin qozǵalys jabyldy.

Eske salaıyq, buǵan deıin Almaty-Óskemen tasjolynda 24 jolaýshy qutqarylǵanyn jazǵanbyz.