«Almaty-Óskemen» tasjolynda kólik aýdarylyp, eki adam qaza tapty

TALDYQORǴAN. KAZINFORM – «Almaty-Óskemen» tasjolynyń boıynda jol-kólik oqıǵasy boldy. Toyota Estima júrgizýshisi kólikti basqara almaı, aýdarylyp qaldy. 

Jergilikti polıtsııa departamentiniń habarlaýynsha, jol apaty saldarynan júrgizýshi men jolaýshy oqıǵa ornynda kóz jumǵan. 

Atalǵan fakti boıynsha sotqa deıingi tergeý amaldary bastaldy.

«Qaza tapqandardyń otbasylaryna qaıǵylaryna ortaqtasyp kóńil aıtamyz. Qurmetti kólik júrgizýshileri, sizderdi jol qozǵalysy erejelerin qatań saqtaýǵa shaqyramyz», - dep jazdy polıtsııa departamentinen. 

Eske sala keteıik, buǵan deıin Jetisý oblysynda aýyl ákiminiń basy daýǵa qalǵanyn jazǵan edik. Sondaı-aq Jetisý oblysynda iz-túzsiz joǵalǵan 3 jasar bala óli kúıinde tabyldy.