Almaty – Óskemen tasjolynda 35 tonna kúnbaǵys dáni tıelgen júk kóligi aýdarylyp qaldy

ASTANA. KAZINFORM — Jetisý oblysynda polıtseıler aýdarylǵan aýyr júk kóliginiń júrgizýshisine kómektesti. 

Almaty – Óskemen tasjolynda 35 tonna kúnbaǵys dáni tıelgen tirkemeli júk kóligi aýdarylyp qaldy. Oqıǵa ornyna shuǵyl jetken polıtseıler aýdarylǵan fýrany qalpyna keltirip, ónimdi jınaýǵa járdemdesti.

Júrgizýshiniń ómiri men densaýlyǵyna eshqandaı qaýip tóngen joq. Ol kórsetken kómegi úshin tártip saqshylaryna alǵys aıtty.

Polıtsııa qyzmetkerleri júrgizýshilerge rólde asa muqııat bolyp, jol qozǵalysy erejelerin qatań saqtaýdy eskertedi. 

Aıta ketelik Ulytaý oblysynda polıtsııa adasyp ketken eki azamatty aman-esen tapty.