Almaty – Óskemen avtojolynyń ýchaskesinde kúrdeli jóndeý jumystary bastaldy
ASTANA. KAZINFORM — Jetisý oblysynda respýblıkalyq mańyzy bar «Almaty – Óskemen» avtomobıl jolynyń 213-234 shaqyrym aralyǵynda kúrdeli jóndeý jumystary bastaldy. Bul týraly «QazAvtoJol» ulttyq kompanııasy málim etti.
Joba sheńberinde qoldanystaǵy jol jamylǵysy jer tósemine deıin buzylyp, onyń ornyna jańa jol konstrýktsııasy salynatyn bolady.
Kúrdeli jóndeý jumystary barysynda:
— jol jabynyn tolyq jańartý;
— sý ótkizgish qubyrlaryn qalpyna keltirý;
— qosymsha mal ótkelderin salý;
— sýdy qabyldaý lotoktaryn ornatý;
— taýly betkeılerdi tegisteý jáne nyǵaıtý jumystary qarastyrylǵan.
— Qurylys kezeńinde jol qozǵalysynyń qaýipsizdigin qamtamasyz etý maqsatynda keıbir bólikterde reversıvti qozǵalys engiziledi. Bul rette kólik quraldarynyń qozǵalysy ýaqytsha jol belgileri, jol tańbalary men sıgnaldy retteýshileri arqyly retteletin bolady, — dep habarlady kompanııadan.
Júrgizýshilerden belgilengen jyldamdyq rejımin saqtap, jol belgileriniń talaptaryn qatań oryndaýyn surady.
Atalǵan jobany iske asyrý nátıjesinde jol qozǵalysynyń qaýipsizdigi artyp, óńirdiń kólik ınfraqurylymy jaqsaryp, jol paıdalanýshylar úshin qolaıly jáne qaýipsiz qozǵalys jaǵdaılary qamtamasyz etiledi.
Eske sala keteıik, buǵan deıin 2028 jylǵa deıin 10 myń shaqyrym jol jóndeletinin jazǵan edik.
