«Almaty-Óskemen» avtojolynyń bir bóliginde jol jabyldy

QONAEV. KAZINFORM - Almaty oblysyndaǵy respýblıkalyq jolda kólik qozǵalysyna shekteý qoıyldy.

«QazAvtoJol» málimetine sáıkes, 22 qańtar saǵat 16:30-dan bastap kúnniń buzylýyna baılanysty «Almaty-Óskemen» avtojolynyń 78-124 shaqyrym aralyǵyndaǵy ýchaskede (Qonaev qalasy - Jetisý oblysynyń shekarasy) kóliktiń barlyq túriniń qozǵalysyna shekteý qoıyldy. 

Joldy 2025 jylǵy 23 qańtar saǵat 09:00 ashý josparlanǵan.

Eske salaıyq, buǵan deıin Almaty áýejaıynda aýa raıyna baılanysty reıster keshigip jatqanyn jazǵanbyz.

Kúnniń buzylýyna baılanysty áýejaıdyń óndiristik qyzmetteri kúsheıtilgen rejımde jumys istep jatyr.

Sondaı-aq elimizdiń ońtústiginde boran soǵyp, kún aıazdaıtynyn jazǵan edik.