«Almaty-Óskemen» avtojolynda jol apatynan jaıaý júrginshi mert boldy

QONAEV. KAZINFORM - Almaty oblysynda joldy belgilenbegen jerden kesip ótken jaıaý júrginshini jol-kólik oqıǵasynan qaıtys boldy. 

Almaty oblysy Polıtsııa departamenti málimetine sáıkes, 6 jeltoqsanǵa qaraǵan túni Geely EMGRAND avtokóliginiń júrgizýshisi Zarechnyı aýylynyń mańyndaǵy «Almaty-Óskemen» tasjolynyń 54 shaqyrymynda joldy belgilenbegen jerden kesip ótken jaıaý júrginshini qaǵyp ketti. Jol apaty saldarynan er adam alǵan jaraqattarynan oqıǵa ornynda qaıtys boldy.

- Jol-kólik oqıǵasynyń faktisi boıynsha qylmystyq is tirkeldi. Tergeý júrgizilip jatyr. Óńir polıtsııasy jaıaý júrginshilerdi qyraǵylyq tanytýǵa, joldy tek belgilengen oryndarda kesip ótýge jáne jol qaýipsizdigi erejeleriniń talaptaryn múltiksiz saqtaýǵa shaqyrady, - dep habarlady oblystyq PD baspasóz qyzmeti.

Eske salaıyq, birneshe kún buryn Almaty oblysy Jambyl aýdanynda belgilenben jerden joldy kesip ótken jaıaý júrginshi mert bolǵanyn jazǵanbyz.