Almaty-Óskemen avtojolynda úsh kólik soqtyǵysyp, bir adam mert boldy
QONAEV. KAZINFORM – Almaty-Óskemen tas jolynda úsh kólik soqtyǵysyp, saldarynan bir adam qaıtys boldy.
Jol-kólik oqıǵasy 13 tamyzdan 14-ine qaraǵan túni bolǵan. Oblystyq polıtsııa departamenti atalǵan jaǵdaıǵa baılanysty qylmystyq is qozǵalǵanyn habarlady.
- Opel Antara, Toyota Camry jáne Mercedes Benz avtokólikteri 14 tamyzda Almaty-Óskemen avtojolynyń 88 shaqyrymynda jol-kólik oqıǵasyna ushyrady. Jol apaty saldarynan Toyota Camry júrgizýshisi oqıǵa ornynda qaıtys boldy, úsh adam ártúrli dene jaraqattarymen aýrýhanaǵa jetkizildi. JKO faktisi boıynsha qajetti saraptamalar taǵaıyndalyp, qylmystyq is qozǵaldy. Tergeý júrgizilýde, - dep habarlady oblystyq PD baspasóz qyzmeti.
Eske salaıyq, Almatyda kýrerlerdiń mıtıngige shyqqany týraly aqparat jalǵan ekenin jazǵanbyz.
