«Almaty-Óskemen» avtomagıstraliniń Jetisý oblysyndaǵy bóliginde jol salý jumystary jandandy

TALDYQORǴAN. KAZINFORM – Kúrejoldyń qurylysy 2019 jyly bastaldy. Taldyqorǵannan Shyǵys Qazaqstan oblysynyń shekarasyna deıingi aralyq 300 shaqyrymnan asady. 2019 jyldan beri sonyń 214 shaqyrymynda jol salý jumystary aıaqtaldy. 

«QazAvtoJol» AQ UK OF dırektorynyń orynbasary Jasulan Qaltaev qazirgi kezde kólik qatynasy jaqsaryp, barys-kelis jeńildegenin aıtady. 

– Bıyl birinshi toqsanǵa keletin bolsaq, 21 jol apaty bolǵan. Ótken jyldyń birinshi toqsanymen salystyrsaq, 25 paıyzǵa tómendedi. Jolshylar tarapynan qaýipsizdikke baǵyttalǵan is-sharalar boıynsha jol belgilerin ornatý, joldy tańbalaý boıynsha katafottardy aýystyrý, tosqaýyl qorshaýlardy retke keltirý boıynsha jumystar júrgizilip jatyr, - deıdi Jasulan Qaltaev.

Byltyr Jetisý oblysyndaǵy «Altynemel» asýy jóndeldi. Bıyl «Jarkent-Qorǵas» jolynyń 32 shaqyrymyn qalpyna keltirý josparlanyp otyr. 

– Qazir jol jaqsy, tegis. Myna turaqtary bar. Eki-úsh saǵatta jetip alamyz. Kúrejoldyń qalǵan 100 shaqyrymyna asfalttiń úshinshi qabaty tósele bastady. Sonymen qatar shetki qorshaýy, jaryqshamdary men jol belgileri ornatylyp jatyr, - deıdi Ózbekstan azamaty Rýstamjan Esjanov.