Almaty ortalyǵyndaǵy kóshelerdiń biri tórt kúnge jabylady
ALMATY. KAZINFORM — Almatyda Manas kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi.
Atap aıtqanda, 31 shilde saǵat 19:00-den 4 tamyz saǵat 08:00-ge deıin Manas kóshesiniń Abaı dańǵylynan Tımırıazev kóshesine deıingi bóliginde kólik qozǵalysy tolyqtaı jabylady.
Jóndeý júrgiziletin aýmaqta eskertý belgileri men merdiger uıym basshysynyń baılanys aqparaty kórsetilgen aqparattyq taqtalar ornatylady.
— Osyǵan baılanysty jol júrý baǵytyńyzdy aldyn ala josparlaýyńyzdy suraımyz, — dep habarlady ákimdikten.
Eske salaıyq, Almaty oblysyndaǵy respýblıkalyq mańyzy bar «Almaty — Tóńkeris — Baıserke — Mejdýrechensk» avtomobıl jolynyń 19+300 shaqyrymyndaǵy kópirde jóndeý jumystarynyń júrgizilip jatyr. Osyǵan baılanysty bıyl 30 shildeden 25 tamyzǵa deıin atalǵan ýchaskede avtokólik qozǵalysyna ýaqytsha shekteý engizildi.
