Almaty ortalyǵyndaǵy dámhananyń jazǵy alańy buzyldy
ALMATY. KAZINFORM – Almatyda Abaı dańǵyly 34 mekenjaıynda ornalasqan dámhananyń zańsyz salynǵan jazǵy tamaqtaný alańy súrildi.
Almatynyń qala qurylysy basqarmasy menshik ıesine qatysty ákimshilik shara qabyldap, materıaldardy sotqa joldaǵan.
«Ákimshilik quqyq buzýshylyq jónindegi mamandandyrylǵan aýdanaralyq sottyń qaýlysymen menshik ıesi zańsyz turǵyzylǵan qurylysty májbúrli túrde buzdy jáne QR ÁQBtK 319-baby boıynsha kináli dep tanyldy. Buzý jumystaryn jeke kásipker bir kún buryn erikti túrde júrgizdi»,- dep habarlady basqarmadan.
Osyǵan deıin Almatyda 1350 sharshy metrden astam salynyp jatqan ǵımarattyń buzylǵany týraly jazǵan edik.
Jalpy, qalady byltyrdan beri 48 zańsyz nysan tolyǵymen jáne jartylaı buzyldy. Onyń ishinde bıznes ortalyq, meıramhana, qosalqy qurylys pen avtoservıs, sondaı-aq Mechta jáne KHAN sııaqty iri turǵyn úı keshenderi bar.
