Almaty ortalyǵynda zańsyz salynǵan qosalqy nysan buzyldy
ALMATY. KAZINFORM — Almatyda dámhanaǵa qosalqy salynǵan nysan súrildi.
Qala qurylysyn baqylaý basqarmasynyń málimetine sáıkes, Qurmanǵazy kóshesi, 43 mekenjaıyndaǵy dámhananyń qosalqy bóligi tolyqtaı buzyldy. Vedomstvo ókilderi jospardan tys tekserý barysynda menshik ıesiniń nysandy zańsyz salǵany anyqtalyp, osyǵan baılanysty ákimshilik shara qabyldanǵanyn atap ótti.
— Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty menshik ıesin kináli dep tanyp, zańsyz salynǵan qurylysty buzý týraly sheshim shyǵardy. Sot sheshimin oryndaý maqsatynda menshik ıesi nysandy óz kúshimen buzdy, — delingen basqarma habarlamasynda.
Eske salaıyq, Almatyda 2026 jyly zań talaptaryn buza otyryp salynǵan 41 nysan tolyq nemese ishinara súrilgeni belgili boldy.
