Almaty ortalyǵynda dúkenge zańsyz salynǵan qosymsha qurylys buzyldy
ALMATY. KAZINFORM — Almatydaǵy Qajymuqan kóshesi, 34 mekenjaıynda ornalasqan azyq-túlik dúkenine qosymsha salynǵan nysan súrildi. Bul týraly Qala qurylysyn baqylaý basqarmasynyń ókilderi habarlady.
Basqarmanyń málimetinshe, tekserý barysynda nysannan belgilengen talaptarǵa sáıkes kelmeıtin zańbuzýshylyqtar anyqtalǵan. Osydan keıin menshik ıesine túsindirý jumystary júrgizildi.
Qazirgi ýaqytta nysannyń kireberis bóligin menshik ıesi óz erkimen buzdy.
Eske salaıyq, buǵan deıin Almatydaǵy Seıfýllın dańǵyly, 518 mekenjaıynda ornalasqan shaǵyn market tolyqtaı súrilgenin habarlaǵan edik.
Vedomstvo ókilderi buǵan deıin ruqsat qujattarynyń joqtyǵyna baılanysty tıisti sharalar qabyldanǵanyn atap ótti.
Al onyń aldynda Dostyq dańǵyly, 42/74 mekenjaıynda ornalasqan «Mıata» barynyń jazǵy terrasasy sot sheshimimen buzylǵan edi.
