Almatyda onynshy ret «Kitap Fest» festıvali ótedi
ALMATY. KAZINFORM - Almatyda mereıtoılyq «Kitap Fest» kitap festıvali ótedi. Іs-sharany 10-ret Almaty qalasy Mádenıet basqarmasynyń jáne Almaty qalasynyń ortalyqtandyrylǵan kitaphana júıesiniń qoldaýymen «BAURZHAN foundation» qory uıymdastyrmaq.
Festıval 14-15 qyrkúıek kúnderi Almatynyń Arbat alańynda 10:00-18:00 aralyǵynda ótedi. 2014 jyldan beri ótkizilip kele jatqan joba aıasynda festıvalge 70-ten astam baspa men kitap dúkenderi qatysyp, belgili qazaqstandyq avtorlar men baspalardyń qatysýymen 500-ge jýyq kitap tanystyrylǵan.
Bıyl festıvalge «Keleshek kitaby» taqyryby qoıylǵan. Mádenı is-sharaǵa kelýshiler úshin alań birneshe aımaqqa bólinedi: «Jazýshylar shatyry», «Qazaq qalamgerleri», «ZHAS ALASH» shatyry, «Kitap FEST WOMEN» shatyry jáne kitap jármeńkesi, ıllıýstratorlar kórmesi, «oqyrman ulttyń urpaǵymyz» kórmesi, elshilikter kórmesi, sondaı-aq «kitap almasý» aımaǵy. Festıval aıasynda qala turǵyndary men qonaqtary arasynda 1 mıllıon teńgege 100-den astam kitap sertıfıkattary oınatylady.
Eske salaıyq, buǵan deıin Almatyda ótken jyly 4 myńnan astam jańa kitap basylǵanyn jazǵan edik.
