Almaty oblysynyń jastary kópshilikti qorshaǵan ortaǵa janashyrlyqpen qaraýǵa shaqyrdy
QONAEV. KAZINFORM – Almaty oblysynyń Jambyl aýdanynda «Taza orta-ult bolashaǵynyń kepili!» atty ekologııalyq baǵyttaǵy aqparattyq-aǵartýshylyq is-sharasy uıymdastyryldy. Іs-shara respýblıkalyq «Taza Qazaqstan» baǵdarlamasy aıasynda ótti.
Basty maqsat – turǵyndardyń ekologııalyq mádenıetin arttyrý, qorshaǵan ortaǵa uqypty qaraý jaýapkershiligin qalyptastyrý jáne qoǵamdy tabıǵatty aıalaý qozǵalysyna jumyldyrý.
Kezdesýge aýdan turǵyndary, jastar uıymdary, eriktiler men qoǵamdyq birlestikterdiń ókilderi qatysty. Qatysýshylar tabıǵatty qorǵaý, turmystyq qaldyqtardy basqarý, jasyl aımaqtardy kóbeıtý taqyryptarynda pikir almasty.
Shara barysynda sóz sóılegen Jambyl atyndaǵy kásiptik kolledjdiń dırektory Bolat Bekbosynuly Altaev ekologııalyq mádenıetti qalyptastyrýdyń mańyzdylyǵyna toqtaldy.
«Búgingi kezdesý – jaı ǵana aqparat almasý emes. Bul – ár azamatty ekologııalyq mádenıetti arttyrýǵa, qorshaǵan ortaǵa janashyrlyqpen qaraýǵa shaqyrý. Óıtkeni taza orta – ult bolashaǵy, al bolashaq – bizdiń qolymyzda.», – dedi dırektor óz sózinde.
Shara sońynda qatysýshylar tabıǵatty qorǵaýǵa baǵyttalǵan bastamalardy qoldap, «taza qorshaǵan orta – taza sana men jarqyn bolashaqtyń kepili» degen ortaq oımen tarqasty.
Aıta keteıik, Almaty oblysynda qyryq jyl buryn salynǵan sý qubyrlary jańartylyp jatyr.