Almaty oblysynyń Jańatalap aýylynda jańbyr saldarynan kólbeý aǵyn paıda boldy
ALMATY. KAZINFORM – Alǵabas aýyldyq okrýginiń Jańatalap aýylynda jaýyn-shashynnyń kóp túsýi nátıjesinde kólbeý aǵyn paıda boldy.
ІІM baspasóz qyzmetiniń málimetinshe, jergilikti mańyzy bar «Almaty-Alǵabas» avtokólik jolynyń jıegi jartylaı shaıylyp, 11 úı aýlasynan aǵyn sý júrip ótken. Osy avtojol boıynsha kólik arqyly jol júrý toqtatylǵan joq. Jyldamdyq rejımin retteý maqsatynda TJ bolǵan jerde jergilikti polıtsııa qyzmeti ornalasqan.
«Kólbeý aǵyn tranzıtpen ótti, sý deńgeıi tómendedi, sý basý qaýpi joıyldy. Zardap shekkender joq. Jaǵdaı baqylaýda. Kósheler men aýla aýmaqtarynan sýdy sorý jáne burý jumystaryn júrgizý úshin oqıǵa ornyna Almaty oblysy TJD-dan 52 qyzmetker jáne 23 birlik tehnıka, onyń ishinde 15 motopompalar jiberildi», - delingen habarlamada.
