Almaty oblysynyń veterınarııa basqarmasyna jańa basshy taǵaıyndaldy
QONAEV.KAZINFORM - Almaty oblysy ákiminiń ókimimen Baýyrjan Temirǵalıuly Darıbaev Almaty oblysynyń veterınarııa basqarmasynyń basshysy laýazymyna taǵaıyndaldy.
Baýyrjan Temirǵalıuly 1977 jyly dúnıege kelgen. 2000 jyly Almatynyń zootehnıkalyq maldárigerlik ınstıtýtyn «veterınarııalyq medıtsına» mamandyǵy boıynsha, 2014 jyly Ó.A.Joldasbekov atyndaǵy ekonomıka jáne quqyq akademııasyn «memlekettik jáne jergilikti basqarý» mamandyǵy boıynsha bitirgen.
Eńbek jolyn 1993 jyly Qaroı ujymdyq kásiporynynyń mal emdeýshisi bolyp bastaǵan. Ár jyldary Qazaqstan Respýblıkasy Aýyl sharýashylyǵy mınıstrliginiń Balqash aýdandyq aýmaqtyq basqarmasynyń veterınarııalyq qadaǵalaý, Balqash aýdanynyń veterınarııa, Balqash aýdanynyń aýyl sharýashylyq bólimderinde basshylyq laýazymdarynda qyzmet atqarǵan.
2017-2024 jyldar aralyǵynda Balqash aýdany ákiminiń orynbasary bolǵan. 2024 jyldyń mamyr aıynan Almaty oblysynyń veterınarııa basqarmasy basshysynyń orynbasary qyzmetine taǵaıyndaldy.
Eske salaıyq, buǵan deıin Kókshetaý qalasynyń ákimi taǵaıyndalǵanyn jazǵan edik.
