Almaty oblysynyń uıymdasqan qylmysqa qarsy kúres basqarmasyna jańa basshy keldi
QONAEV. KAZINFORM – QR Іshki ister mınıstrliginiń kelisimi boıynsha Almaty oblysy polıtsııa departamenti bastyǵynyń buıryǵymen Uıymdasqan qylmysqa qarsy kúres basqarmasynyń bastyǵy laýazymyna Baıjan Satylǵanov taǵaıyndaldy.
Osyǵan deıin QR Іshki ister mınıstrligi basshysynyń buıryǵymen birqatar joǵary laýazymdy polıtseı qyzmetinen bosatylǵan edi. Solardyń ishinde Almaty oblystyq polıtsııa departamentiniń uıymdasqan qylmysqa qarsy kúres basqarmasynyń bastyǵy Dýlat Qaıyrda bar.
Aıta keteıik, QR Prezıdenti ákimshiliginiń kelisimi boıynsha Іshki ister mınıstriniń buıryǵymen Meıram Ábikeev oblystyq polıtsııa departamentiniń bastyǵy bolyp taǵaıyndalǵan bolatyn.
Eske salaıyq, 4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz.
Ashýly talǵarlyqtar jasóspirim ólimine baılanysty narazylyqqa shyqty.
Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.
Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.
Sondaı-aq quqyq qorǵaýshy Aıtbek Amangeldi qaza tapqan jasóspirimniń otbasyna advokattar taýyp berdi.
12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
Qoǵamdyq tártipti qadaǵalaý úshin Ulttyq ulan áskeri jumyldyryldy.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.
Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy. Al, Talǵar aýdanynyń ákimi Tanat Esenkeldiuly Aıdarbekov jáne onyń orynbasary Aıbek Dúısembekuly Bıdaev sógis aldy.
Іshki ister mınıstrliginiń ókilderi BAQ qyzmetkerlerine Sherzat Bolat qaza tapqan jerde kameraǵa túsip qalǵan vıdeony kórsetti.
Prokýratýra sottyń ashyq ótýin suraıtynyn jetkizdi.
