Almaty oblysynyń Uıǵyr aýdanyna jańa ákim taǵaıyndaldy
QONAEV. KAZINFORM — Almaty oblystyq ákimdigi Uıǵyr aýdanynyń jańa ákimin tanystyrdy.
Talǵat Eskendiruly Baıedilov Uıǵyr aýdanynyń ákimi bolyp taǵaıyndaldy.
Talǵat Baıedilov 1972 jyly 16 maýsymda Almaty oblysy Kegen aýdanynda dúnıege kelgen.
1998 jyly Qazaq memlekettik basqarý akademııasyn «Býhgalterlik esep jáne aýdıt» mamandyǵy boıynsha támamdaǵan.
Eńbek jolyn 1992 jyly kolhoz jumysshysy retinde bastaǵan. Keıin qarjy-ekonomıka salasynda, «Qazposhta» AQ júıesinde jáne jergilikti atqarýshy organdarda túrli qyzmetter atqarǵan.
2008–2010 jyldary Qarabulaq aýyldyq okrýginiń ákimi, 2010–2011 jyldary Raıymbek aýdany ákimi apparatynyń basshysy, 2011–2018 jyldary Raıymbek aýdany ákiminiń orynbasary qyzmetterin atqardy.
2018–2023 jyldary Kegen aýdanynyń ákimi boldy. 2023 jyly Almaty oblystyq máslıhatynyń hatshysy, keıin máslıhat tóraǵasy qyzmetin atqardy.
2024 jylǵy naýryzdan osy ýaqytqa deıin Eńbekshiqazaq aýdanynyń ákimi qyzmetin atqardy.
Memlekettik qyzmettegi eńbegi úshin 2019 jyly «Eren eńbegi úshin» medalimen marapattalǵan.
Eske salaıyq, Stepnogor qalasyna jańa ákim kelgeni habarlandy.
