Almaty oblysynyń turǵyndaryna sel qaýpine baılanysty eskertý jasaldy
QONAEV. KAZINFORM – Almaty oblysy Talǵar aýdanynyń ákimdigi osy aımaqtaǵy taýlarǵa demalysqa shyǵýǵa tyıym saldy. Sebebi Talǵar ózeniniń basseıninde jınalǵan sý tasýy múmkin.
Aýdan ákimdiginiń málimetine sáıkes, Almaty oblysynyń taýly aýdandarynda temperatýranyń joǵarylaýy, muzdyqtardyń qarqyndy erýi jáne morenalyq-muzdyq kólderdiń tolýy, ózen arnalarynda aǵyn kúsheıip, sel júrýi múmkin.
- Talǵar ózeniniń basseınindegi №19 kól jáne onyń soltústik jáne soltústik-shyǵys bóliginde jınalǵan sý jaǵalaýdy jyryp aǵýy múmkin. Fondyq baǵalaý ádistemesine súıene otyryp, sel aǵyndaryn boljaý boıynsha muzdyq kóldiń serpilisi osy jyldyń 6-shy tamyzynan bastalýy yqtımal. Osyǵan baılanysty Talǵar aýdanynyń turǵyndary, qonaqtary jáne demalýshylar men týrısterge Talǵar qalasynyń basynda ornalasqan gırotehnıkalyq qondyrǵydan asyp taýǵa, demalys oryndaryna shyǵýǵa tyıym salynǵan, - dep habarlady ákimdikten.
Sonymen qatar Talǵar ózeni arnasyna jaqyn ornalasqan turǵyn úı ıelerine jáne jergilikti halyqqa únemi áleýmettik jelilerge, teledıdar jáne radıobaılanys jelilerine nazar aýdarý kerek ekeni eskertildi.
