Almaty oblysynyń turǵyndary oblystyq tasjoldy jaýyp tastady
ALMATY. KAZINFORM — Almaty oblysy Baıserke aýylynyń turǵyndary narazylyqqa shyǵyp, oblystyq mańyzy bar «Almaty — Jetigen — Qapshaǵaı sý qoımasy» avtomobıl jolyn jaýyp tastady.
Baıserke aýyldyq okrýginiń turǵyndary 11 mamyr kúni jol-kólik oqıǵasy bolǵan jol aýmaǵynda baǵdarsham ornatyp, jaryq berýdi talap etip otyr.
Turǵyndardyń sózinshe, olar atalǵan ýchaskede únemi jol qaýipsizdigine qatysty kúrdeli máselelerge tap bolady.
Atalǵan jaǵdaıǵa baılanysty Almaty oblysy ákimdiginiń baspasóz qyzmeti málimdeme jasady.
«Osy jyldyń 21 mamyrynda Іle aýdany Baıserke aýylynyń turǵyndary 3-5 km ýchaskesinde oblystyq mańyzy bar „Almaty — Jetigen — Qapshaǵaı sý qoımasy“ jolyn japty. Olardy talaby — baǵdarsham ornatý jáne qajetti jol ınfraqurylymyn qamtamasyz etý. Qazirgi ýaqytta oblystyń ýákiletti organdary qajetti sharalardy qabyldap jatyr», — dep habarlady Almaty oblysynyń ákimdiginen.
Aıta keteıik, osy jyldyń 11 mamyrynda atalmysh jol ýchaskesinde júk kóligin mas kúıinde basqarǵan júrgizýshi aıaldama pavılonyn basyp, saldarynan eki adam qaza tapqan bolatyn.
