Almaty oblysynyń turǵyndary Alǵys aıtý kúnin atap ótti
ALMATY. KAZINFORM – Qonaev qalasynda ataýly kúnge oraı merekelik is-shara ótkizildi. Oǵan etnomádenı ortalyqtardyń, úkimettik emes uıymdardyń ókilderi, Qazaqstan halqy Assambleıasynyń, óńirdegi analar men aqsaqaldar keńesiniń músheleri, sondaı-aq eriktiler men qoǵam belsendileri qatysty.
Іs-sharany Almaty oblysynyń «Qoǵamdyq kelisim jáne damý ortalyǵy» KMM uıymdastyrdy.
Aıta keteıik, mereke dástúrli túrde jalpyqazaqstandyq telekópirge qatysýdan bastaldy. Telekópirge eldiń barlyq aımaǵynan 400-den astam adam qatysty. Sondaı-aq Qonaev qalasynyń Mádenıet úıinde merekeniń saltanatty bóligi ótti. Onda etnomádenı ortalyqtardyń ókilderi men óńirdiń úzdik shyǵarmashylyq ujymdary óz ónerlerin kórsetti.
Sonymen qatar ǵımarattyń aldynda jármeńke uıymdastyryldy, onda qonaqtar aımaqtyń sheberleriniń túrli buıymdaryn satyp alsa, is-sharanyń negizgi bóliginde qoǵam daýyna úles qosyp, eldiń alǵysyna bólenip júrgen azamattardy marapattady. Olardyń ishinde óte qaýipti jaǵdaılarda birneshe ondaǵan adamnyń ómirin saqtap qalǵan qarapaıym azamattar men tótenshe jaǵdaılar qyzmetkerleri bar. «Qoǵamdyq kelisim jáne damý ortalyǵy» KMM uıymdastyrǵan «Qazaqstan-baqyt mekeni» atty úzdik beınerolık baıqaýynyń jeńimpazdary da óz marapattaryn aldy.
