Almaty oblysynyń taýlarynda qutqarýshylar úsh týrıstke kómek kórsetti
ASTANA. KAZINFORM – Túnde Almaty oblysynyń Qarasaı aýdanynda, Úlken Almaty asýynyń mańynda, 3600 metr bıiktikte úsh týrıst taýdan túsip kele jatyp adasyp, qutqarýshylardan kómek suraǵan.
«Butaqty» baqylaý-qutqarý beketinen Almaty qalasynyń Monıtorıng jáne jedel den qoıý ortalyǵynyń qutqarýshylary kómek kórsetý úshin jolǵa shyqan. Toppen baılanys ornatylyp, olardyń geolokatsııasy belgili boldy.
Qutqarýshylar týrısterdi «Alma-Arasan» shıpajaıyna deıin aman-esen alyp tústi. Olarǵa medıtsınalyq kómek qajet bolmady.
Aıta ketelik qutqarýshylar joǵalyp ketken týrıst qyzdy tapqan edi.
