Shet aýdanynda 650 gektar aýmaqtaǵy tabıǵı órt oqshaýlandy
ASTANA. KAZINFORM — Qaraǵandy orman jáne janýarlar dúnıesin qorǵaý sharýashylyǵy aýmaǵynda 613,6 gektar qurǵaq shóp pen ormanmen kómkerilgen aýmaqta órt shyqty. Mamandar órttiń orman alqaptaryna odan ári taralýǵa jol bermeı, aýyzdyqtady. Bul týraly TJM málim etti.
650 gektar jerdi órt sharpyǵan. Qyzyl jalyndy sóndirýge taýly-jotaly jer bederiniń kúrdeliligi, tipti keıbir ýchaskelerdiń qoljetimsizdigi sondaı-aq qatty ekpindi jel qıyndata túsken.
— Qabyldanǵan sharalardyń nátıjesinde órttiń taralýy toqtatyldy. Qoljetimsiz aýmaqtardaǵy jekelegen oshaqtardy sóndirý úshin TJM avıatsııasy tartyldy, — delingen habarlamada.
Sý tógý qurylǵylarymen jabdyqtalǵan «Qazavıaqutqarý» tikushaqtary arqyly jalpy kólemi 78 tonna sý 26 ret tógilgen.
Órtti sóndirýge TJM, jergilikti atqarýshy organdardyń, orman sharýashylyqtarynyń jáne ózge de ózara is-qımyl jasaıtyn qyzmetterdiń shamamen 310 qyzmetkeri men 44 tehnıkasy, sondaı-aq «Qazavıaqutqarý» kásipornynyń 2 tikushaǵy jumyldyryldy. Qazirgi ýaqytta jekelegen byqsyǵan oshaqtardy joıý jáne aýmaqty sýarý jumystary júrgizilip jatyr.
Jaǵdaı TJM baqylaýynda.
Aıta keteıik, búgin ShQO-da orman órti tirkeldi.
