Almaty oblysynyń taýlarynda qar jaýdy
QONAEV. KAZINFORM — Jaz aıaǵynda Almaty oblysynyń taýlarynda qar tústi.
Qar jamylǵan taýlardyń beınejazbasy áleýmettik jelide tarady. Onyń avtory bul kórinisti Almaty oblysy Raıymbek aýdanyndaǵy Aqkól jaılaýynda túsirgenin aıtty. Kadrlardan taý bókterindegi jasyl shyrshalardyń ústinen japalaqtap jaýǵan qardy kórýge bolady.
Eske salaıyq, elimizdiń ońtústiń bóliginde aýa raıy kúrt sýydy. «Qazgıdromet» málimetinshe, 25 tamyzda Almaty oblysynda jańbyr jaýyp, keı jerlerde qatty jaýyn-shashyn, al oblystyń taýly aımaqtarynda jańbyr, naızaǵaı, burshaq pen daýyldy jel kútilgen edi. Taýly aımaqtarda kúndizgi aýa temperatýrasy +13…+18 gradýs deńgeıinde boljandy.
Jańbyr men qar aralasqan jaýyn-shashyn Myńjylqy meteostantsııasynda da tirkelgen. Sonymen qatar sınoptıkter 26 tamyzǵa qaraǵan túni Almaty oblysynyń taýly aýdandarynda jańbyr jaýady dep boljaıdy.
Buǵan deıin «Qazgıdromet» Qazaqstanda 22-24 tamyz aralyǵynda aýa raıy kúrt qubylatynyn habarlady.
