Almaty oblysynyń taýlarynda qar kóshkini júrý qaýpi bar

Almaty oblysynyń taýlarynda 4-7 qańtar aralyǵynda qar kóshkini qaýpi saqtalady. Bul týraly Almaty oblysynyń tótenshe jaǵdaılar departamenti málim etti, dep habarlaıdy Kazinform.

Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Osyǵan baılanysty TJD azamattardan, týrısterden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharasyn saqtaýǵa shaqyrdy. 

«Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady», - dep habarlady Almaty qalalyq TJD-nyń baspasóz qyzmeti.