Almaty oblysynyń taýlarynda qar kóshkini júrdi

ASTANA. KAZINFORM - Almaty oblysynyń taýlarynda qar kóshkini júrdi.

Tekserý júrgizý kezinde «Qazseldenqorǵaý» mamandary Almaty oblysy «Túrgen – Batan» aýyly avtojolynyń 23,4 shaqyrymynda qar kóshkini bolǵanyn anyqtady. Ózdiginen qar kóshkininiń kólemi – 187,5 m3.

Qar kóshkininiń túsý sebebi – temperatýranyń joǵarylaýy jáne taýlardyń baýraıyndaǵy qar jamylǵysynyń edáýir qory. Zardap shekkender men qıratýlar joq. Qar kóshkini Túrgen-Batan avtojolyn jaýyp tastady.

«Avtojoldy tazalaý jumystaryn JAO júrgizip jatyr. Almaty oblysynyń taýlarynda kóshkin qaýipti. Aldaǵy kúnderi taýǵa barýdan bas tartýdy usynamyz», - dep habarlady TJM.

Buǵan deıin Almaty oblysynyń sý aıdyndaryndaǵy jaǵdaı baqylaýda ekenin jazǵan bolatynbyz.