Almaty oblysynyń taýlarynda adasqan tórt týrıst qutqaryldy
ASTANA. KAZINFORM — TJM qutqarýshylary Almaty oblysynyń taýlarynda joldan adasqan tórt týrıstke kómek kórsetti.
Almaty oblysy Qarasaı aýdanynda, Úlken Almaty shyńy aýdanynda taýdan túsý kezinde joldan adasqan tórt týrıstke qutqarýshylardyń kómegi qajet boldy.
Týrıster tobynyń baǵytynan jańylyp, ózdiginen tómen túse almaı qalǵany týraly habarlama 112 pýltine kelip tústi.
— Avarııalyq-qutqarý jumystaryn júrgizý úshin Almaty qalasy TJD Qutqarý qyzmetiniń qutqarýshylary jedel shyqty. Qutqarý jumystarynyń nátıjesinde týrıster tabylyp, «Prohodnaıa» avtoturaǵyna deıin jetkizildi. Olarǵa medıtsınalyq kómek qajet bolǵan joq, — delingen habarlamada.
Budan buryn Túrkistan oblysynda taýda adasqan er adam qutqarylǵanyn jazǵanbyz.
