Almaty oblysynyń taýynda qar kóshkini joldy jaýyp qaldy
ALMATY. KAZINFORM – Almaty oblysynda qar kóshkini júrdi. Saldarynan oblystyq mańyzy bar Túrgen-Batan-Asy observatorııasy joly jabyldy.
Almaty oblysy ákimdiginiń málimetinshe, Eńbekshiqazaq aýdanynda 9 aqpan kúni tańǵy saǵat 11:35-te Túrgen-Batan-Asy observatorııasy baǵytyndaǵy oblystyq avtojoldyń 24 shaqyrymynda ózdiginen qar kóshkini júrip ótti. Oǵan taý betkeılerindegi qar jamylǵysynyń turaqsyz jaǵdaıy sebep bolǵan. Qar kóshkininiń jalpy kólemi anyqtalyp jatyr.
Oqıǵa ornyna «Qazseldenqorǵaý» memlekettik mekemesiniń qyzmetkerleri men qutqarýshylary shyqty.
«2024 jyldyń 1 mamyryna deıin 15-shi shaqyrymnan bastap joldyń osy ýchaskesinde qozǵalys jabyq ekenin resmı túrde habarlaımyz. Oqıǵanyń saldaryn joıý jumystary bastalyp ketti, barlyǵy retke keltiriledi. Aıta keteıik, zardap shekkender joq, Almaty oblysy boıynsha aldyn alý sharalary júrgizilýde», - dep habarlady ákimdikten.
