Almaty oblysynyń Talǵar aýdanynda jappaı tekserý sharalary júrgizilip jatyr
QONAEV.KAZINFORM — Almaty oblysynyń Talǵar aýdanynda polıtsııa qyzmetkerleri kúsheıtilgen rejımde jumys istep jatyr.
Talǵar aýdanynyń aýmaǵynda 29-31 qazan aralyǵynda «Demalys» jedel-profılaktıkalyq is-sharasy ótkizilip jatyr.
Talǵar aýdandyq polıtsııa basqarmasynyń málimetinshe, shara quqyqbuzýshylyqtardyń aldyn alý, qoǵamdyq tártipti saqtaý, azamattardyń qaýipsizdigin qamtamasyz etý jáne zańsyz áreketterge jol bermeý úshin jasaldy.
— Barlyq polıtsııa qyzmetkerine qoǵamdyq oryndarda, oıyn-saýyq mekemelerinde, kóshelerde jáne adamdar kóp jınalatyn jerlerde profılaktıkalyq jumysty kúsheıtý, sondaı-aq quqyq buzýdy anyqtaý jáne olardyń aldyn alý boıynsha tıisti sharalar qabyldaý tapsyryldy, — dep habarlady polıtsııa.
Sondaı-aq qyzmet barysynda zań men quqyqtyq tártiptiń saqtalýyn qamtamasyz etý qajet ekeni atap ótildi.
Anyqtalǵan barlyq quqyq buzý boıynsha qoldanystaǵy zańnamaǵa sáıkes sharalar qabyldanady.
Eske salaıyq, 2024 jyly Talǵarda pyshaq jaraqatynan 16 jastaǵy Sherzat Polat kóz jumdy. Bul oqıǵa qoǵamda úlken rezonans týdyryp, el nazaryn aýdartty.
2025 jylǵy 5 maýsym kúni sot úkimimen 16 jastaǵy Sherzat Polattyń ólimine qatysty 9 adam 1,5 jyldan 23 jylǵa deıin sottaldy.
Al jaqynda Talǵarda nan satatyn orynnyń ıesin pyshaqtap óltirip ketken edi.
