Almaty oblysynyń Talǵar aýdanyna jańa ákim keldi
QONAEV. KAZINFORM — Almaty oblysy ákiminiń ókimimen Ánýar Áskerbekov Talǵar aýdanynyń ákimi laýazymyna taǵaıyndaldy.
Ánýar Áskerbekov 1992 jyly dúnıege kelgen. 2014 jyly Ál-Farabı atyndaǵy Qazaq ulttyq ýnıversıtetin «Ekonomıka» mamandyǵy boıynsha, 2016 jyly M. H. Dýlatı atyndaǵy Taraz memlekettik ýnıversıtetin «Quqyqtaný» mamandyǵy boıynsha aıaqtap, 2020 jyly Qazaq ulttyq agrarlyq ýnıversıtetinde magıstr dárejesin alǵan.
Ár jyldary «Azamattarǵa arnalǵan úkimet „Memlekettik korporatsııasy“ AQ-nyń Almaty qalasy boıynsha fılıalynyń „Jer kadastry ǵylymı-óndiristik ortalyǵy“ departamentiniń josparlaý jáne taldaý bóliminiń 1-sanattaǵy ekonomısi, josparlaý jáne taldaý bóliminiń bas mamany, bólim basshysynyń orynbasary, bólim basshysy, qujattamalyq qamtamasyz etý jáne taldaý basqarmasynyń basshysy, Almaty qalasy Jer qatynastary basqarmasynyń bas mamany, Alataý aýdany ákimi apparatynyń uıymdastyrý jumysy jáne qujattamalyq qamtamasyz etý bóliminiń basshysy, aýdan ákimi apparatynyń basshysy, „Almaty tazalyq“ MKK dırektorynyń jalpy suraqtar jáne qarjy máseleleri boıynsha orynbasary laýazymdaryn atqarǵan.
2023 jyldyń sáýir aıynan beri Talǵar aýdany ákiminiń orynbasary laýazymynda qyzmet etti.
Eske salaıyq, Talǵar aýdanynyń eks-basshysy Kegen aýdanyna ákim bolǵan edi.
