Almaty oblysynyń Sý resýrstary jáne ırrıgatsııa basqarmasyna jańa basshy taǵaıyndaldy

ASTANA. KAZINFORM — Almaty oblysy ákiminiń ókimimen Toqpeıisov Ǵalym Qasymuly Almaty oblysynyń Sý resýrstary jáne ırrıgatsııa basqarmasy basshysy taǵaıyndaldy.

Ǵalym Qasymuly 1967 jyly Almaty oblysy, Balqash aýdanynda dúnıege kelgen, bilimi joǵary, 1999 jyly Qazaq memlekettik basqarý akademııasyn «býhgalterlik esep jáne aýdıt» mamandyǵy, M.H. Dýlatı atyndaǵy Taraz memlekettik ýnıversıtetin «quqyqtaný» mamandyǵy boıynsha bitirgen.

Eńbek jolyn «Jıdeli» ujymsharynyń jumysshysy bolyp bastaǵan.

Ár jyldary «Qaroı» ujymsharynyń esepshisi, «Aqdala» kúrish ujymshary brıgadıriniń kómekshisi, eńbek jónindegi ekonomısi, bólim bastyǵy, Balqash aýdany Aqdala aýylynyń ákimi, Jambyl oblystyq aýmaqtyq balyq sharýashylyǵy basqarmasynyń bastyǵy, Kóksý aýdany ákiminiń orynbasary, Almaty oblysy ákimi apparaty bóliminiń meńgerýshisi, Kóksý aýdanynyń ákimi, Almaty oblysy jer qatynastary basqarmasynyń basshysy, Balqash aýdanynyń ákimi, Almaty oblysy ákiminiń keńesshisi bolyp jumys istedi.

2024 jyldyń aqpan aıynan bastap Almaty oblysy jumyldyrý daıyndyǵy basqarmasynyń basshysy laýazymynda qyzmet etti.

Eske sala keteıik, buǵan deıin Aqmola oblysy ishki saıasat basqarmasynyń basshysy taǵaıyndalǵanyn jazǵan bolatynbyz.