Almaty oblysynyń sharýalary PepsiCo-ǵa kartop jetkize bastady
ASTANA. KAZINFORM – Almaty oblysynyń Raıymbek aýdanyndaǵy «Altyn dán-1» óndiristik kooperatıvi amerıkalyq PepsiCo korporatsııasyna kartop jetkizýdi bastady. Bul týraly Aýyl sharýashylyǵy mınıstrligi habarlady.
Bıyl óńir sharýalary 2 300 gektarǵa kartop egip, ár gektardan 200–250 tsentner ónim aldy. Joǵary kórsetkishke ıntensıvti agrotehnologııalar men zamanaýı jańbyrlatyp sýarý júıelerin qoldaný yqpal etti.
Seriktestik aıasynda kooperatıvke elıtalyq tuqymdar usynylyp, jańbyrlatyp sýarý jabdyǵyn engizýge qoldaý kórsetildi. Pılottyq joba 150 gektar aýmaqty qamtydy.
Bul jerde memlekettik qoldaýdyń mańyzy zor. Máselen, jańbyrlatyp sýarý júıelerine ketken shyǵynnyń 80%-y sýbsıdııalanǵan (shamamen 100 mln teńge).
Eske sala keteıik, Prezıdent PepsiCo qory dırektorlar keńesiniń tóraǵasy Stıven Kıhony qabyldaǵan bolatyn. Kezdesýde PepsiCo kompanııasynyń Qazaqstandaǵy ınvestıtsııalyq jobasyn júzege asyrý barysy qarastyryldy.
Prezıdenttiń Nıý-Iorkke sapary aıasynda mańyzdy kezdesýler ótip, saıası-ekonomıkalyq kelisimder júzege asty. AQSh bıznes ókilderimen logıstıka, jasandy ıntellekt, ónerkásip salasyna qatysty qujattarǵa qol qoıylǵanyn da bilemiz. Kazinform-nyń analıtıkalyq sholýshysy muhıttyń arǵy jaǵynda jasalǵan kelisimder el keleshegine qalaı áser etetinin ári Memleket basshysy usynǵan aýqymdy ıdeıalardy tarqatty.