Almaty oblysynyń Raıymbek aýdanynda jańa ákim saılandy

QONAEV. KAZINFORM – Almaty oblysy Raıymbek aýdanynyń ákimi bolyp Dastan Sultanmuratuly Qudabaevty saılandy.

Almaty oblysy ákimdiginiń málimetinshe, 3 tamyzda ótken saılaýdyń qorytyndysy boıynsha Dastan Qudabaev jańa qyzmetke keldi. Barlyǵy 19 707 saılaýshynyń 70,3 paıyzy (13 854 adam) qatysyp, óz tańdaýyn jasaǵan. «AMANAT» partııasynan usynylǵan kandıdat 9626 daýys (69,5%) jınap, jeńiske jetti. 

Dastan Qudabaev 1971 jyly dúnıege kelgen. 1993 jyly Almaty zooveterınarlyq ınstıtýtyn «zootehnııa» mamandyǵy boıynsha támamdaǵan. Eńbek jolyn sol jyly «Shalkóde» sharýa qojalyǵynda zootehnık bolyp bastaǵan. Memlekettik qyzmetke 2008 jyly Shalkóde aýyldyq okrýgi ákimi apparatynyń bas mamany retinde qabyldanǵan.

Ár jyldary Qarasaz jáne Shalkóde aýyldyq okrýgteriniń ákimi, Raıymbek pen Kegen aýdandary ákimderiniń orynbasary, sondaı-aq oblystyq aýyl sharýashylyǵy basqarmasynyń basshysy qyzmetterin atqarǵan. 2023 jyldan bastap Uıǵyr aýdany ákiminiń orynbasary laýazymyn atqaryp keldi.

Eske salaıyq, buǵan deıin Abaı oblysy ákiminiń orynbasary taǵaıyndaldy.