Almaty oblysynda ınternet-alaıaqtyqqa qatysty 518 jalǵan habarlandyrý buǵattaldy
ASTANA.KAZINFORM — Almaty oblysynda ınternet-alaıaqtyqtyń aldyn alý maqsatynda jalǵa beriletin turǵyn úı týraly 500-den astam jalǵan habarlandyrý buǵattaldy. Bul týraly Bas prokýratýra málim etti.
Prokýratýranyń málimetinshe, alaıaqtar tómen baǵadaǵy tartymdy usynystar arqyly azamattardy aldap, aldyn ala tólem talap etken.
Jazǵy demalys maýsymy men mektep demalysy qarsańynda táýliktik turǵyn úıdi jalǵa berý týraly jalǵan habarlandyrýlardy ornalastyrýǵa baılanysty ınternet-alaıaqtyq faktileri kóbeıip keledi.
— Alaıaqtar páterler men úılerdiń tartymdy fotosýretterin paıdalanyp, tómen baǵamen habarlandyrýlar jarııalaıdy. Keıin ártúrli syltaýlarmen aldyn ala tólem nemese kepilaqy aýdarýdy talap etedi. Aqsha qarajatyn alǵannan keıin baılanysqa shyqpaı qoıady nemese kórsetilgen turǵyn úıdiń múldem joq ekendigi anyqtalady, — delingen habarlamada.
Aǵymdaǵy jyldyń 5 aıynda respýblıka aýmaǵynda bolmaǵan qyzmetterdi kórsetýge baılanysty 1700-den astam qylmystyq quqyq buzýshylyq tirkelgen, onyń ishinde 130-y Almaty oblysynda jasalǵan.
Osyndaı qylmystardyń aldyn alý maqsatynda Almaty oblysynyń prokýratýrasy iri ınternet-platformalarmen jáne tsıfrlyq servıstermen ózara is-qımyldy júıeli túrde jolǵa qoıýda.
Atap aıtqanda, Almaty oblysynyń prokýratýrasy men «OLX Group» JShS arasyndaǵy yntymaqtastyq týraly memorandým aıasynda ınternet-alaıaqtyq faktilerin anyqtaý jáne jolyn kesý boıynsha turaqty jumys júrgizilýde.
Birlesken is-sharalardyń nátıjesinde táýliktik turǵyn úıdi jalǵa berý týraly alań talaptaryna sáıkes kelmeıtin jáne quqyqqa qaıshy áreketterdiń belgileri bar 518 habarlandyrý anyqtalyp, buǵattaldy.
Qazirgi ýaqytta anyqtalǵan barlyq habarlandyrý avtorlaryna qatysty prokýratýranyń tapsyrmasy boıynsha kıberpolıtsııa qyzmetkerleri tekserý is-sharalaryn júrgizýde.
Júrgizilip jatqan jumys búginniń ózinde alaıaqtyq sıpattaǵy kontentti ýaqtyly anyqtaýǵa, onyń taralýyn shekteýge jáne azamattardy aldaýdyń yqtımal jaǵdaılarynyń aldyn alýǵa múmkindik berýde.
Almaty oblysynyń prokýratýrasy óńir turǵyndary men qonaqtaryn ınternet arqyly turǵyn úıdi brondaý kezinde qyraǵylyq tanytýǵa shaqyrady.
Azamattardyń quqyqtaryn qorǵaý jáne ınternet-alaıaqtyqqa qarsy is-qımyl máseleleri Almaty oblysy prokýratýrasynyń turaqty baqylaýynda jáne bul baǵyttaǵy jumys aldaǵy ýaqytta da jalǵasatyn bolady.
Buǵan deıin BQO-da 70 azamattyń atyna zańsyz nesıe rásimdelgeni áshkerelengen edi.
