Almaty oblysynyń polıtsııa departamentine jańa basshy taǵaıyndaldy
QONAEV. KAZINFORM – Qazaqstan Respýblıkasy Prezıdenti ákimshiliginiń kelisimi boıynsha Іshki ister mınıstriniń buıryǵymen Meıram Ábikeev oblystyq polıtsııa departamentiniń bastyǵy bolyp taǵaıyndaldy.
Іshki ister mınıstri Erjan Sadenov jedel keńeste jeke quramǵa Almaty oblysy Polıtsııa departamentiniń jańa basshysyn tanystyrdy.
Polıtsııa polkovnıgi Meıram Ábikeev buǵan deıin Soltústik Qazaqstan oblysy ІІD bastyǵynyń orynbasary bolǵan.
Eske salaıyq, Almaty oblysynyń Polıtsııa departamentin eki jyl Baýyrjan Álenov basqarǵan bolatyn.
Ol osy jyldyń 7 qazanynda Memleket basshysynyń ókimimen Qazaqstan Respýblıkasy Іshki ister mınıstriniń birinshi orynbasary laýazymyna taǵaıyndaldy.
Baýyrjan Alenov 1976 jyly 8 qarashada Aqmola oblysynda dúnıege kelgen. Іshki ister organdarynda 1997 jyldyń mamyr aıynan bastap qyzmet etedi.
