Almaty oblysynyń Mádenıet basqarmasyna jańa basshysy taǵaıyndaldy
QONAEV. KAZINFORM – Almaty oblysy Mádenıet, arhıvter jáne qujattama basqarmasynyń basshysy bolyp Anýar Úmbetalıev taǵaıyndaldy.
Jańa vedomstvo basshysy 1985 jyly dúnıege kelgen, bilimi joǵary. 2007 jyly Qazaq qatynas joldary ýnıversıtetin bitirgen, al 2017-2019 jyldar aralyǵynda «Qaınar» akademııasynda «Ekonomıka» mamandyǵy boıynsha bilim alǵan.
Oblys ákimdiginiń málimetinshe, ol keıingi úsh jyl boıy oblystyq «Halyq shyǵarmashylyǵy» ortalyǵyn basqaryp, óńirdiń mádenı áleýetin damytýǵa jáne shyǵarmashylyq bastamalardy qoldaýǵa baǵyttalǵan birqatar jobalardy júzege asyrǵan.
2017-2022 jyldary «Almaty qalasynyń mýzeıler birlestigi» dırektorynyń orynbasary, keıin dırektory qyzmetterin atqarǵan. 2022-2023 jyldary Almaty oblysynyń mýzeıler birlestigin basqardy.
Eske salaıyq, buǵan deıin oblystyq mádenıet basqarmasyn basqarǵan Danııar Álıev Almaty qalasynyń mádenıet basqarmasynyń basshysy qyzmetine aýysty.