Almaty oblysynyń qutqarýshylary jańa tehnıkalar aldy
QONAEV. KAZINFORM — Qonaev qalasynda Almaty oblysynyń TJD bólimshelerine jańa órt sóndirý-qutqarý tehnıkasy tabystaldy. Bul týraly QR Tótenshe jaǵdaılar mınıstrligi jarııalady.
Kólikterdiń kiltin vedomstvo basshysy Shyńǵys Árinov tabys etti.
Qutqarýshylardyń avtoparki órt sóndirý avtotsısternalarymen, jedel kóliktermen, sorǵy-jeńqubyrly qurylǵylarmen jáne kvadrotsıklmen tolyqty. Tehnıka óńirdiń geografııalyq erekshelikteri men qyzmet aldynda turǵan mindetterdi eskere otyryp tańdalǵan.
— Bul óńirlik bólimshelerdi jaraqtaýdy birizdendirýge baǵyttalǵan vedomstvolyq baǵdarlamanyń bir bóligi. Endi qutqarýshylardyń tehnıkasy, jumys ádisteri men standarttary elimizdiń barlyq óńirlerinde birkelki bolady, — dedi Shyńǵys Árinov.
Jańa tehnıka tótenshe jaǵdaılar kezinde qutqarýshylardyń den qoıý jyldamdyǵy men jedeldigin aıtarlyqtaı arttyrady.
Mundaı tehnıkalar jýyrda Shyǵys Qazaqstan oblysynyń qutqarýshylaryna da tabystalǵan bolatyn.
Sondaı-aq Aqtóbe oblysyna da jańa tehnıkalar jetkizilip, qutqarýshylarǵa qyzmettik páter berildi.