Almaty oblysynyń qutqarýshylary qar kóshkinine baılanysty eskertý jasady

QONAEV.KAZINFORM - Almaty oblysy Tótenshe jaǵdaılar departamentiniń baspasóz qyzmeti óńir turǵyndaryna eskertý jasady.

TJD málimetine sáıkes, Almaty oblysynyń taýlarynda 2 men 5 jeltoqsan aralyǵynda kóshkin qaýpi saqtalady. Jalpy Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar.

- TJD azamattardan, týrısterden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik pen minez-qulyq sharalaryn saqtaýdy suraıdy. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady, - dep habarlady departamentten.

Eske salaıyq, buǵan deıin Almaty oblysynda qar kóshkini qaýpine baılanysty birneshe avtojol kóktemge deıin jabylǵanyn jazǵanbyz.