Almaty oblysynyń qutqarýshylary qar kóshkini qaýpi týraly eskertti

ALMATY. KAZINFORM — Almaty oblysynyń Tótenshe jaǵdaılar departamenti qar kóshkini qaýpi týraly eskertý jasady.

TJD málimetine sáıkes, Almaty oblysynyń taýlarynda 6-9 qańtar aralyǵynda kóshkin qaýpi saqtalady. Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar.

— Departament azamattardan, týrısterden qar kóshkini bolýy múmkin bolǵandyqtan, qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýdy suraıdy. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady, — dep habarlady oblystyq TJD baspasóz qyzmeti.

Sondaı-aq, Almaty oblysynyń qutqarýshylary juqa muzda adamdardyń jaraqattanýy men óliminiń aldyn alý maqsatynda sý aıdyndarynda qaýipsizdik erejelerin saqtaýdy jáne juqa muzǵa shyqpaýdy suraıdy.

Eske salaıyq, buǵan deıin Almatydan 353 shaqyrym jerde jer silkingenin jazǵanbyz.