Almaty oblysynyń konkýrdan chempıonaty ótedi
ALMATY.KAZINFORM — 27 maýsymda Almaty Horse & Polo Club at-sport kesheninde konkýrdan Almaty oblysynyń chempıonaty ótedi.
Dástúrli jarysqa Qazaqstannyń ár óńirinen kelgen 50-den astam sportshy qatysyp, ártúrli deńgeıdegi baǵyttarda baq synaıdy. Týrnır barysynda shabandozdar men attardyń úılesimdiligi, sheberligi, jyldamdyǵy jáne dáldigi synalady.
Jarys baǵdarlamasynda ártúrli kúrdelilik deńgeıindegi baǵyt boıynsha balalar, jasóspirimder jáne áýesqoı shabandozdardyń óner kórsetedi, chempıondyq ataq úshin tartysty báseke ótedi.
Kórermender at sporty merekesiniń erekshe atmosferasyn sezinedi.
Konkýr – shabandoz ben attyń ózara senimi, joǵary daıyndyq deńgeıi men úılesimdi áreketin talap etetin olımpıadalyq at sporty túri.
Aıta ketelik Qazaqstan at sportynan Astanadaǵy halyqaralyq týrnırlerde 14 medal jeńip alǵan edi.
