Almaty oblysynyń qaı aýdanynda mal urlyǵy jıi bolady
QONAEV. KAZINFORM — Almaty oblysynda byltyr urlanǵan 166 bas mal zańdy ıelerine qaıtarylǵan.
Óńirlik polıtsııa málimetinshe, 2023 jyly Almaty oblysynda 296 mal urlyǵynyń faktisi tirkelgen. 2024 jyly bul kórsetkish 20%-ǵa tómendep, 244 barymtaǵa qatysty is qozǵalǵan.
Sondaı-aq polıtsııa departamentiniń jaýabyna sáıkes, oblystyń 9 aýdanynyń ishinde mal urlyǵynyń eń kóp tirkelgen aımaǵy — mal sharýashylyǵy qarqyndy damyǵan Jambyl aýdany.
— Taldaý kórsetkendeı, urlyqtyń basym bóligi mal qaraýsyz qalǵan bos jaıylymdarda bolady. Osyǵan oraı, Almaty oblysynyń polıtsııasy mal ıelerine qaýipsizdik sharalaryn kúsheıtýdi usynady. Atap aıtqanda, qorshalǵan jaıylymdardy paıdalaný, túngi kezekshilik uıymdastyrý jáne beınebaqylaý júıelerin ornatý qajet, — dep eskertedi departamentten.
Jalpy polıtsııa málimetinshe, 2024 jyly urlanǵan 166 bas mal zańdy ıelerine qaıtarylǵan.
Eske salaıyq, elimizde mal urlyǵy 30,5 paıyzǵa azaıǵan. 2024 jyly elimizde 1 026 mal urlyǵy bolsa, qylmystyń jartysynan kóbin jaıylymda bolǵan.
Buǵan deıin Almaty oblysynda bir top barymtashy maldy jaıylymda soıyp, etin áketip otyrǵanyn jazǵanbyz.